破解狗狗口腔健康10大迷思「下」

上次post完破解狗狗口腔健康10大迷思「上」之後，收到好多回覆！哎呀！原來大家仲有好多迷思未破解架！

6. 主人：「狗狗嘅口水有細菌，咁唔好再俾佢舐自己個鼻喇」

→狗狗鍾意舐濕自己個鼻係為左俾鼻上嘅細胞接觸到更多氣味分子，以保持嗅覺靈敏。雖然有細菌，但如果你唔俾佢舐嘅話，佢就聞唔到任何氣味架喇！！！

7. 主人：「所有狗狗都唔鍾意刷牙架啦！唔好迫佢地啦！」

→ 大錯特錯呀！狗狗唔鍾意嘅係刷牙為佢地帶來嘅不適感，其實只要從小為狗BB培養刷牙習慣，狗狗就可以好快適應到刷牙架喇！為左狗狗嘅健康着想，呢啲野點都要迫下架喇～

8. 主人：「我隻狗狗唔刷牙個口都唔臭喎，咁即係好健康唔使刷都OK啦！」

→ 狗狗個口唔臭唔等於乾淨架，如果因為冇異味而長期忽略狗狗嘅口腔或者牙齒健康，狗狗好可能會患上牙周疾病架！輕則牙痛同食慾不振，重則甚至會有生命危險。

9. 主人：「狗狗牙痛嘅話一定好唔舒服架嘛，我地一定會睇得出啦！」

→ 普遍嚟講，狗狗嘅忍痛能力非常高。所以狗狗身上有任何痛症，主人好難察覺到。想知狗狗到底健唔健康就要睇番「狗狗健康4步曲」，幫狗狗檢查一下喇！

10. 主人：「就算係冷氣房入面，狗狗都成日流口水，唔通佢真係咁怕熱？」

→ 當然唔係啦，其實流口水同氣溫環境冇關係架！無時無刻都不停流口水係狗狗蛀牙同牙周病嘅先兆，遇到呢種情況記住帶狗狗去睇醫生，儘快求醫呀！

牙痛慘過大病！！！

牙痛有幾辛苦我諗人人都試過。其實連狗狗都唔例外架，只不過係我地啲主人經常掉以輕心！其實當發現狗仔有口臭、發炎又或者牙肉腫脹嘅問題，主人就應該帶狗狗去睇醫生，因為呢啲都係狗狗蛀牙同牙周病嘅先兆！牙周病有幾嚴重？輕則牙痛同食慾不振，重則導致全身性菌血症，仲分分鐘會危及狗狗性命添！

牙菌同牙垢會係狗狗嘅牙齒度隨時間積聚，如果唔定時清潔嘅話，好可能引發牙周病，最終仲會導致牙齒脫落！如果狗狗口入面嘅細菌感染擴散到腎臟、肝臟同心臟，狗狗仲可能要面對好多唔同嘅併發症添！

一般黎講，獸醫為狗仔洗牙嘅時候都會幫狗狗做全身麻醉，費事狗狗周身郁，但係打麻醉藥對於高齡狗狗黎講其實係有一定程度嘅風險架！有朋友就推介我用潔齒骨幫狗狗清潔牙齒，聽佢講潔齒骨嘅設計唔止配合過狗狗顎骨嘅咬嚼力，可以防止狗狗咬傷牙齒，而且成份成份天然，仲含抗氧化劑添～狗狗食得開心之餘，又可以同時維持免疫系統同腸道健康！真係好認真細心嘅品牌呀！！勁Like！

 (Source:http://www.greenies.com.hk/index.php)

連續28日餵食，能去狗隻口氣、減少60%牙結石及32%牙菌斑並舒緩80%牙齦炎徵狀！

狗狗牙周病 ＂大件事！！＂

驚人大發現！！！8成三歲或以上嘅狗狗都有牙周病！

咁到底點先知狗狗有冇牙周病呀？

要辨識狗狗有冇牙周病好簡單，主人可以從病徵入手。患有牙周病嘅狗狗最常見有口臭、牙齒變黃、牙垢齒石積聚、牙齒鬆動、牙齦紅腫等等嘅徵狀。以上嘅問題會令狗狗不停伸脷、舔牙齒同流口水，嚴重時更加會因為牙痛而食慾不振。主人留意到狗狗有以上徵狀嘅，就記住帶佢去睇醫生喇！

狗狗嘅牙周病分左四個階段：

第一階段：牙齦炎

牙齦炎係狗狗牙周病嘅初期徵兆。係呢個階段，狗狗嘅口腔會開始出現牙菌斑，並且有輕微口氣。主人唔需要太擔心，不過就記得要儘快帶狗狗求醫喇！

第二階段：牙結石

如果狗狗嘅牙結石聚積於牙肉周邊，主人就一定要儘快處理喇！因為大量嘅牙石會造成細菌性牙齦炎，嚴重者更加會導致全身性菌血症，引起肝臟、腎臟甚至心臟感染嘅併發症，對狗狗嘅生命構成威脅。

第三階段：口臭

呢個階段嘅狗狗，口入面已經充滿左大量細菌。而呢啲細菌會分解狗狗食物中嘅蛋白質，釋放硫磺氣體，散發腐壞嘅氣味，引發嚴重口臭。呢個時候，主人就要帶狗狗搵專業嘅獸醫喇。如果狗狗嘅病情太嚴重，獸醫會幫狗狗拔牙。拔牙有可能會影響狗狗日後嘅咀嚼能力，所以話及早發現同治療牙周病真係好重要架！

第四階段：牙齒脫落

狗狗開始甩牙嘅話，就代表狗狗牙周病嘅問題已經去到非常嚴重嘅階段。佢嘅口腔、牙齒內嘅細菌已經破壞左承托牙齒嘅組織，令牙齦萎縮，引致牙齒同牙肉分離。牙齒失去牙肉承托，然後脫落。

預防勝於治療。其實只要主人定期為狗狗護齒，注意佢嘅口腔健康，就可以避免狗狗日後受口腔問題困擾。錫狗狗嘅主人們，千祈唔好偷懶呀！

破解狗狗口腔健康10大迷思「上」

據一份關於狗狗口腔健康做嘅調查顯示，平均每10位主人當中，只有1位會留意狗狗嘅口腔健康。嘩嘩嘩！原來作為主人嘅我地，一直都忽視左狗狗嘅口腔問題，而當中仲唔小心建立左好多錯嘅概念添！

1. 主人：「狗狗又唔會好似我地咁成日食零食同講野，佢地個口一定比我地乾淨啦！」
➞ 其實狗仔同人類一樣，都會每日食野同講野。既然人類要日日刷牙，咁狗狗當然都一樣啦！如果唔係就會有好多細菌滋生係狗狗個口入面架喇！

2. 主人：「聽講狗狗嘅口水有消毒功能架喎，下次有傷口果陣俾佢舐下咪得囉！」
➞ 錯！狗狗每日都會食野，個口自然會有細菌啦！所以聰明嘅主人們，記住唔好俾狗狗嘅口水掂到你嘅傷口呀！

3. 主人：「狗狗個口有異味好正常啫，所有狗狗都有口臭問題架啦！」
➞ 錯錯錯！大錯特錯呀！只要配合適當嘅清潔，狗狗就會有健健康康嘅口腔，係唔會有異味架！相反，如果狗狗嘅口氣問題好嚴重，咁主人們就要注意喇！因為狗狗嘅口臭問題好多時都係由口腔、牙齒疾病引起架！

4. 主人：「牙齒護理？狗狗求其咬啲野都算係牙齒護理架啦！」
➞ NO la！唔係咬咩都可以幫狗狗護理牙齒架，亂咬硬物（例如：傢俱、雞骨等等）更加有可能造成狗狗牙齒斷裂問題添！

5. 主人：「都係牙啫，狗狗用我用嘅牙膏同漱口水咪得囉！」
➞ 全錯！人類用嘅牙膏同漱口水大多數含氟嘅成份，並唔適合狗狗使用。如果狗狗刷牙嘅時候唔小心吞左，有可能會中毒架！

狗狗健康4步曲

作為主人，我地最關心嘅當然係狗狗嘅健康啦！有時見到狗狗冇哂精神咁攤喺度，真係好想知佢地到底係攰定唔舒服，可惜狗狗有佢地自己一套語言，有時想關心下都難！ 不過而家開始唔使怕喇！主人只需要每日依照以下步驟做，就可以知道狗狗健唔健康！

第一步　留意小狗嘅眼睛

輕輕用手睜開狗狗雙眼，如果主人可以喺狗狗嘅眼珠入面好清晰咁見到自己，咁就表示狗狗好健康，主人唔需要擔心！

第二步　留意小狗嘅鼻頭

如果狗狗鼻頭濕濕地又涼浸浸，恭喜你呀主人！狗狗好健康！相反，如果狗狗個鼻又乾又暖，咁主人就要快啲俾水狗狗飲，幫佢補充一下身體嘅水份喇！

第三步　留意小狗嘅耳仔

記住！記住記住要定期幫狗狗清潔耳垢呀主人們！如果狗狗嘅耳仔唔乾淨，輕則會產生異味同影響狗狗嘅聽覺，重則會造成細菌入侵，傷害狗狗嘅大腦。

第四步　留意小狗嘅牙齒

原來有8成3歲以上嘅小狗都受牙周病困擾。牙齒嘅細菌同牙垢會引起牙周病同各種細菌感染，最終導致牙齒脫落！細菌感染更會擴散到狗嘅腎臟、肝臟同心臟，導致更嚴重嘅問題。所以如果主人發現狗狗口仔臭，要即刻幫狗狗清潔啲牙齒呀！

只要定期留意以上幾點，主人就可以同狗狗一齊開開心心，健健康康咁生活喇！